نشر الظهير الايسر للنجم الساحلي تدوينة على حسابه الخاص على الفايسبوك كشف فيها معاملات بعض المسؤولين في الفرع الذين تجاهلوا مطالبته بحقوقه المادية وتعمدهم الهروب من المسؤولية وتجاهل كل اللاعبين ووجه مخلوف اتهامات خطيرة لهؤلاء المسؤولين  وفيما يلي نص التدوينة كاملا :
" اول حاجة السلام عليكم. عندي مدة كبيرة ساكت و محبيتش نتكلم شوي قدر في جمهور النادي و العباد الي تحب النجمة من القلب اما الله غالب الكاس فاض و القلب تعبى نحب نقول حسبي الله و نعم الوكيل حسبي الله و نعم الوكيل ثم حسبي الله و نعم الوكيل في العباد الي  شدة النجم الرياضي الساحلي فرع كرة اليد و الي كلاتلي عرقي و  يغلطو في العباد في الراديوهات و يكذبو عل عباد و عطينا و وفرنا و يكبرو في كروشنا في الفارغ  ونحب نقلكم رانا احنا الي هزينالكم ريوسكم وقتلي العباد لكن كانت ضدكم (اما عندهم الحق خاتر طلعو يعرفوكم أكثر منا و شالقين بيكم)اما توا فاض الكاس و ناس لازمها تعرف كل شيء جيتك لباب دارك ياخي سكرت تاليفونك و بلوكيتني من البلايص لكل و مشيت لفرنسا و حتى واحد من صناعك معادش يهز تليفون منيش شنحكي على مولا المقهى الي موصي صناعو بش كي نمشيلو يكلموه باش ميجيش و منيش بش نحكي علي يجي سامحوني في الكلمة للتمارين (بالعو شارب طاسه قبل مايجي و يكذب علينا بكلمتين ) حرام عليكم سمحت قبل في فلوسي وماطلبت شيء  و حبيت نفسخ باش نخرج و قلت جمعيتي السماح في فلوسي لكل و توا كلمتوني و جيت و عاونت و تعرفو الي برشا كلموني اما خيرت نجي بش ناقف مع جمعيتي و قلت فيها رجال و طالبت لاشيكات و لاشيء ميش كبرشا عباد نلقى روحي ماكليني في حقي و طلبت 30 بالمائة من فلوسي و نسامح في الباقي مالقيت حتى رد ميسالش ربي ياخذلي حقي منكم واحد واحد ياشينو انتي و صناعك و يامولا القهوة مانيش مسامحكم لادنيا لاآخره و ربي يتوالاكم واحد واحد و هاذا يزيكم مانيش باش نزيد نحكي على التعكعيك تمعشتو كيما حبيتو و كليتو حق لعباد نهار آخر ناخذو منكم واحد واحد ربي في الوجود يامتاع المصالح  و السلام عليكم ".
هذه عينة اخرى تكشف بوضوح معاناة اللاعبين والمدربين في الاندية التونسية وهي وضعيات لا تطاق وتنذر بانهيار تام لهذه الفرق التي اصبحت غير قادرة تمام على توفير مستحقات اللاعبين وابسط ظروف العمل. وضعية لؤي مخلوف هي عينة لعدة لاعبين في النجم الساحلي وفي النادي الإفريقي وأندية اخرى يعملون لاشهر دون مستحقات. وصراحة نحن نتساءل اين تسير الرياضة التونسية واين تسير اندية كبرى مثل النجم والإفريقي ؟