كتب الدكتور رفيق بوجدارية تدوينة على صفحته على موقع التواصل الاجتماعي، اكد من خلالها صعوبة الوضع الوبائي بالمستشفيات وفي ما يلي نص التدوينة:
نحب نحكي على 107 وفايات متاع البارح ...ما نجمتش 
حبيت نحكي على الفوضى متاع Evax ما نجتمش
حبيت نحكي على التسيب والإنفلات و إنعدام الوقاية ما نجمتش 
حبيت نحكي على المستشفيات اللي ماعادش فيها فرش فارغ ..ما نجمتش 
حبيت نحكي على أقسام الإستعجالي اللي تملى و تفرغ بالمرضى و الناس مرعوبة مانجمتش 
حبيت نحكي على المصحات الخاصة مليانة و غالية و ما نجمتش 
حبيت نحكي على التوانسة اللي إستفردت بيهم الكورونا و خنقهم القلق على مستقبلهم وما نجمتش 
حبيت نحكي عللي كتبو FMI على تونس نهار الاربعاء ما نجمتش 
حبيت نحكي على العركة بين الرئيس و الغنوشي و ما خلفتو من أضرار ما نجمتش 
حبيت نحكي عللى يجيش ضد القضاء العسكري و ما نجمتش 
حبيت نحكي على الهيجة متاع نواب النهضة و الإئتلاف ما نجمتش
حبيت نحكي على الفقر اللي ضارب أطنابو في بلادنا و ما نجمتش 
حبيت نحكي على الغلاء و الكوى في الأسواق و ما نجمتش 
حبيت نحكي على الحكومة اللي إتونس فينا و ما هياش تطمن فينا وما نجمتش 
حبيت نحكي على أحزاب "حل الصرة تلقى خيط" ما نجمتش 
حبيت نحكي على هذا الكل خاطر غرقنا تحت هذا الكل و ماناش فايقين ولانا عازمين باش نخرجو من هالحالة ..أما الأكيد و المتأكد أنه لا يمكننا أن نواصل بها الحمل اللي يڨعڨع الجمال ...برشا علينا ربي يلطف بينا و يهدينا و يجلي الغمة علينا .