ذكر موقع مجلة "الجرس" اللبناني خبر حمل شيرين، نقلاً عن مصادر مقربة منها، لافتاً الى ان معلوماته تؤكد ارتباطها رسمياً بالفنان حسام حبيب منذ شهر فيفري الماضي، وليس في حفل زفافهما في السابع من أفريل المنصرم.
وتحدثت شيرين خلال مشاركتها في برنامج "مجموعة انسان" عن تفاصيل علاقتها مع حبيب قائلةً: "نعرف بعض من 12 سنة ولكن بقينا اصحاب من 5 سنوات ووقف معايا وقفة كبيرة جدا في الأزمة الأخيرة، و كشف لي ناس كانت تؤذيني جدا، ناس كانوا بيطبلوا لي ولكن مش أمناء عليا ومؤذيين، لما بعدت عنهم ربنا كرمني وتزوجت من حسام وشعرت بهدوء نفسي كنت مفتقداه من سنيين ..حساه بيكملني". 
وأضافت: "من فترة نفسيتي تعبت بعد اكتشافي خيانة مقربين منى كنت اعتبرهم مصدر امان وطلعوا مصدر كل حاجة وحشة بتحصل لي، وحسام وقتها كان عنده اصرار اني اكون كويسة علشان نفسي وبناتي.. حسيت فيه شهامة ..قبلها كان صديق مقرب جدا وبقول له اسرار مش بقولها لاى حد وبناتى بيحبوه جدا، وعرفت أن الشخص اللى كنت بتكلم عنه كان شافط فكر حسام وعايش بافكاره وينسبها لنفسه، كره فيا ناس كثير ومكانش امين خالص عليا فنيا ولا مادياً".
وختمت بالقول: "حسيت براحة وحسام جنبي. في 3 شهور قعدهم عندي في البيت وساب بيت والدته، خلاني شوفته بعين تانية، اتخانقت معاه، كان بينصحني وانا رفضت النصيحة، لقيته حد رقيق جدا فجأة شوفته حبيبي، حبيته حب كنت بتمناه من زمان واجمل حاجة حصلت في الأزمة الاخيرة ان حسام مبقاش صاحبي وانما حبيبي".