نشر اللاعب محمد صالح المهذبي مساء أمس الخميس 5 ديسمبر 2024، تدوينة عبر حسابه الشحصي بموقع التواصل الاجتماعي "فايسبوك"، وأكد من خلاله نهاية علاقته التعاقدية مع النادي الرياضي الصفاقسي .

وفي ما يلي تدوينة اللاعب::" أعلن عن إنتهاء العلاقة التعاقدية التي تجمعني بالنادي الرياضي الصفاقسي. كان لي الشرف في اللعب مع واحد من أعرق الفرق التونسية و الإفريقية . نحب نشكر جماهير النادي إلي ديما كانت حاضرة خصوصا في الأوقات الحاسمة في تاريخ النادي و ملي جيت ما لعبت كان قدام ستاد معبي مهما كانت النتائج.جينا في وقت صعيب ، إجتهدنا و تعبنا و الحمد لله حققنا الأهداف ليجينا على خاترها و كنت أساسي في كل المباريات المصيرية و كنا نجمو نعملو ما خير. ترشحنا للبطولة العربية.
لعبنا رجال و سبقنا فرحة العباد و ربحنا ماتشوات صعاب و الحمد لله ترشحنا للCAF و عاد النادي للمشاركات الإفريقية رغم كل الضروف المحيطة و هو أقل حاجة بالنسبة لنادي في قيمة CSS و الحمد لله كنت مساهم في الترشح للمجموعات منذ أقل من شهر (assist) بالرغم ملي صار الكل.
في أول الموسم الحالي تم رفض عرض خارجي كنت باش نتنازل على مستحقاتي الكل و ننفع النادي بمبلغ مالي.
أسباب الفسخ ما كانتش فنية و ديما كنت مسبق مصلحة النادي في كل وقت و مانيش باش نحكي في التفاصيل خاتر ما تربيتش ننشر غسيل نادي عشت فيه.
رغم إلي صار الكل تنازلت على أكثر من ثلث المبلغ عن طيب خاطر قبل جلسة التصريح بالحكم مراعاة للضرف الإستثنائي للفريق رغم إلي التعامل معايا ما كانش باهي و لكن النادي و جماهيره أهم من الأشخاص..
نحب نشكر صحابي الملاعبية و الأطر الفنية التونسية و العربية و خويا أنيس القاسمي و ربي إفرج على سي عبد العزيز المخلوفي.
اليوم أنا في حل من كل إرتباط، عندي ثقة كبيرة في ربي و في روحي و ربي إسهل فلي فيه الخير."