دون المحامي والناطق السابق باسم النادي الإفريقي كمال بن خليل على صفحته الرسمية في الفايسبوك اليوم الأحد  تدوينة شن فيها هجوما حادا على عبد السلام اليونسي ووصفه بــ "الكذاب"
وجاء نص  التدوينة كالتالي :
"الجمعية غرقت واليونسي الكذاب باقي يتشرط علينا يا نقعد يا ما ثماش عقد إشهار ! تي هز عقدك وطير إنت والإماراتي صاحبك ....
ونزيد نقلكم راهو لا ثمّ خلاص متاع الفيفا ولا تأهيل ولا والو خاطر السيد لليوم راكب راسو ومبلوكي كل شيء باش ما يتقدم حد والجمعية الأخيرة في الترتيب عادي بالنسبة ليه .
الواحد سكت ويقول ها تو يفهم روحو ها تو يحشم ها تو يقول والله عندهم الحق والسيد مولى الدار موش هوني تقول شايخ بلّي صاير فينا .
ولا تقلي ماء وملح ولا خدمت،تي أصلا الحديث معاك غلطة موش الخدمة .
يرحم والديك برّ على روحك وسيبها الجمعية تقعد بلاش مسؤولين وبلاش رئيس والله أهون من وجودك راك خرجتنا من الملة برّ يرحم بوك فوتنا 
الملاعبية إلي مطردهم يحبوا يرجعوا يعاونوا وهو يتشرط والجزائريين الأسبوع هذا يروحوا لبلادهم بعد ما عطاوه آخر إنذار ووقتها باش تخلى على قاعدة .
أقسم بالله الواحد باش يتجلط ...
يا عبد السلام سيبنا يرحم بوك سيبنا ونعاودهالك صاحبك الإماراتي ينجم يخلي فلوسو عندو".