نشر الحارس الدولي التونسي "نور الدين الفرحاتي" تدوينة عبر حسابه الشخصي بموقع التواصل الإجتماعي "فايسبوك"، وتوجه من خلالها برسالة شكر إلى الإتحاد الرياضي ببن قردان وجماهيره.
وفي ما يلي تدوينة حارس المنتخب الوطني والمنتدب الجديد للملعب التونسي "نور الدين الفرحاتي" :
قبل ما ندخل تجربة جديدة في مسيرتي، نحب نتوجه بتحية  كبيرة لبن قردان ورجالها الي امنوا بيا ووقفوا معايا وقد ما نحكي صعيب نعطيهم حقهم.
نشكر الجمهور وأصحابي والمدربين، كنا يد وحدة فرحنا الجمهور صحيح كنت نتمنى نهديلهم لقب ولكن الي عملناه يخلي جمهور بن قردان يفتخر بينا.
نحب نشكر كل عائلة بن قردان الي دعموني وخلاوني نخوض تجربة دولية نعتز بها برشة و خاصة استاذي و خويا و بابا علي القمودي الي كان مدربي و سندي طيلة السنوات الاخيرة . وان شاء الله ديما بن قردان ناسيونال
انا توا في عايلتي الجديدة. نوجّه تحية لجمهور الملعب التونسي الي رحب بيا و لمسؤوليها رئيسا و ادارة  ، نعرف انو المسؤولية كبيرة برشة ولكن بحول الله مانيش باش نبخل بحتى مجهود باش الفريق يواصل تألقوا واكون عند حسن ظن الجميع والله ولي التوفيق.