تحول فيديو يوثق مواجهة حادة ومشادة بين رجل مسن وفتاة داخل مترو الأنفاق في العاصمة المصرية القاهرة، إلى حالة جدل واسع ومناقشة مفتوحة بين المصريين حول "الأخلاق" العامة.
الفيديو الذي وجد طريقه سريعا إلى قمة "التريند" على منصات التواصل الاجتماعي بين المصريين، يظهر مشادة بين رجل مسن وفتاة داخل المترو، بعد طلبه من عدم وضع ساق على أخرى بينما كانت تجلس في الجهة المقابلة له، واحتدت المواجهة بينهما بعدما رفضت الفتاة طلبه.
تحولت الواقعة إلى مناقشة مجتمعية عامة، بين من يرى الرجل محقا من باب العادات والتقاليد والاحترام، وآخرون اعتبروا ما فعله "تجاوزا" من باب رفض الوصاية على الآخرين، وكذلك رفضا لطريقة حديثه مع الفتاة.
وكتب أحد المعلقين على الواقعة: "راجل كبير ممكن نتغاضى عن تجاوزه بسبب سنه، لكن لازم نعلم ولادنا إن التصرف اللي هو عمله تصرف غير محترم، وماينفعش يتشاف غير في الإطار ده..". ليعقب آخر: "إنت غلطان؛ فرق كبير بين الحرية الشخصية والاحترام والتقدير؛ وبالذات لما يكون بين الناس!!!!!!".
وذهب طرف ثالث لاعتبار الطرفين مخطئين، وكتب أحد المعلقين: "هو بصراحه الاتنين معندهمش ذكاء اجتماعي.. إذا كان عم الحاج متضرر عليه يغير المكان لأنه لن يقدر على تغير سلوك ناس ليس لديه أية سلطة عليهم، والبنت أيضا لوشافت راجل كبير السن متضايق.. مفروض كانت تعالج الأمر بقليل من الأدب".
وكتب آخر: "التقاليد والعرف بيقول مينفعش أقعد وأحط رجل على رجل أدام أي حد (مهما) كان سنه، هكذا تربينا فالأرياف".
وأضاف آخر: "دا راجل كبير محترم واخد على الاحترام بتاع زمان وأصول زمان، لما راجل كبير ماشي في الشارع واخر جالس لو على مصطبه وحاطط رجل على رجل، لازم ينزل رجله تقديرا واحتراما للشخص القادم، دي من عادات وتقاليد المجتمع خاصة الريفي، مش لازم نضيع كل حاجه حلوة". 
ودافع أحد المعلقين عن الفتاة قائلا: "بنت قاعدة في المترو في أمان الله، طلع شخص صعيدي بيهاجمها بالشكل الهمجي ده. ليه؟ عشان حاطة رجل على رجل قدامه. عادات وتقاليد القرية بتاعتك مش قوانين عامة على الكوكب والأشخاص. هي متعرضتش ليك بأذى ولا في قانون عام بيمنع حد يحط رجل على رجل في المواصلات العامة".
وكتب معلق آخر: "سؤال هو مش في عربيات للسيدات لية مش بيلتزموا ويركبو معانا ولو راجل ركب معاهم يبهدلوه".