نشر الشاعر لزهر الضاوي على صفحته الرسمية في فيسبوك قصيدة جديدة بعنوان "صبايحية الماريكان" جاء فيها الآتي:
صبايحية الماريكان..؟!!"*-
"صبايحية".."صبايحية"..
صبايحيةْ " آخر زمان"..
"متاع فرانسا "..قعدوا لتالي..
وجونا "متاع الماريكان"..
ينادوا على "بايدن" بالعالي..
"بايدن".. يا "عظيم الشان"..
يا "عمي".. انت.. يا"خالي"..
يامتاع "حْقوق الانسان"..؟؟!!
يا"خونا".. "ماعنّا والي"..
ارحمنا رانا .."اخوان".."؟؟
ارحمنا.. رانا "الرعية"..
وجار علينا ها "السلطان"..
و"تونسْهم".. هاذي" مدعيّة"..
ما صارت تقبل" خِيّان"..؟؟!!
وتحكي باسم "المشروعية"..
وصارت تكفر ب " الرجعية"..
عجّل.. رُدّلْنا "الشرعية"..
ورجّع لينا "البرلمان"..؟؟؟
"صبايحية".."صبايحية"..
يا "بايدن" رد التحية..؟؟
يرضيك نروحو ضحية..
و"الشعب المارق".. يطمان..؟؟
..واحنا أقسمنا على خلاها..
واغتلْنا أعز أبناها..
ومستحيل تموت بداها...
الا ..بخراب " الاوطان"..؟؟!!
جينالك وبيك كبّرنا..
عجّل.. يا "راجل" وانصرنا..
لايثور الشعب يدمرنا..
ونمشو في فوهة بركان..؟؟؟
صبايحية ..صبايحية..
صبايحية .. "متاع ماريكان"..!!!